Club FM
"Club FM" është një ndër radiot kryesore në Shqipëri, e cila ka fituar popullaritet edhe përmes transmetimeve të saj në formatin televiziv. Ajo i nisi transmetimet në shkurt të vitit 1998 në frekuencën 100.4 në Tiranë, ndërkohë që sinjali i saj shtrihet edhe në qytete të tjera të vendit. Përgjatë viteve, "Club FM" u kthye në shtëpinë radiofonike të disa prej zërave kryesorë të radios në Shqipëri. Ajo ofron gjithashtu disa kanale muzikore dixhitale si dhe podcaste apo blogje. Dy programet më të ndjekura të "Club FM" janë “Klubi i Mëngjesit” dhe “Makinë me dy timonë”, të cilat transmetohen respektivisht në mëngjes dhe pasdite në formatin radio dhe TV. Në faqen e saj në internet, "Club FM" pohon se ndërton sot programe gjithnjë e më ndërvepruese me publikun dhe se marrin qindra mesazhe çdo ditë nga dëgjuesit e tyre besnikë.
Pjesa e audiencës
8.57%
Lloj pronësie
private
Mbulimi gjeografik
Vendore
Llloji përmbajtjes
Pa pagesë
Kompani/Grupe mediatike
Club Muzikor Sh.a
Struktura e pronësisë
Club FM është një radio në pronësi të kompanisë 'Club Muzikor' Sh.a
Të drejta votimi
Vetëm aksionerët kanë të drejtën e votës.
Pronar indvidual
Grup / Pronar indvidual
Olta Reka
Olta Reka u përfshi në kompaninë “Club Muzikor” sh.a në vitin 2008, pasi një ndër themeluesit e kompanisë, Ioannis Doudoulakis i dhuroi 26% të aksioneve. Reka është gjithashtu një ndër drejtueset e emisionit kryesor “Klubi i Mëngjesit” në "Club FM". Ajo është gjithashtu kunata e aksionerit kryesor të "Club FM", Arben Bylykbashi.
Informacion i përgjithshëm
Viti themelimit
1998
Interesat e lidhur të themeluesit
Ioannis Doudoulakis, Nikolaos Papadopoulos, Gjergji Shemko, Arben Bylykbashi - Një bashkëpunim mes shtetasve grekë, Nikolaos Papadopoulos dhe Ioannis Doudoulakis dhe atyre shqiptarë, Gjergji Shemko dhe Arben Bylykbashi solli në mars 1999 themelimin e kompanisë "Club Muzikor", që zotëron radion "Club FM" dhe paralelisht e ka shtrirë aktivitetin e saj edhe në organizimin e aktiviteteve artistike apo fushën e reklamave. Në kohën e themelimit, Papadopoulos dhe Doudoulakis zotëronin respektivisht nga 26% të aksioneve, ndërsa Shemko dhe Bylykbashi nga 24% secili. Prej kohës së themelimit, kompania ka pësuar ndryshime të mëdha të pronësisë.
Papadopoulos - është anëtar i shoqatës së biznesit grek në Shqipëri, u largua në vitin 2006 duke ia dhuruar aksionet e tij Arben Bylykbashit. Para largimit, ai kishte themeluar dy stacione të tjera radiofonike të quajtur "Love Radio" dhe "Radio DJ", ndërsa më pas e zgjeroi aktivitetin e tij edhe me dy biznese të vogla me aktivitet në fushën e konsulencës, reklamave dhe telekomunikimit. Papadopoulos ka zotëruar një eksperiencë të gjatë në tregun radiofonik në Selanik, Greqi. Ai ka zotëruar më parë radion "Club FM" në Selanik, ndërsa tani është bashkëaksioner në stacionet radiofonike "Sunrise FM" dhe "Libero FM". Papadopoulos zotëron gjithashtu aksione në kompaninë "arx.net", e cila zhvillon aplikacione dhe shërbime celulare.
Ioannis Doudoulakis - u largua nga kompania në nëntor të vitit 2008, duke ia falur aksionet e tij Olta Rekës.
Gjergji Shemko - Producenti Gjergji Shemko, i cili në kohën e themelimit mbante postin e Drejtorit të Përgjithshëm në "Club FM" u largua gjithashtu nga kompania në vitin 2008. Paketa e tij e aksioneve i kaloi fillimisht Halit Memës dhe më pas përfundoi tek Arben Bylykbashi.
Arben Bylykbashi - nga maj 2015, Bylykbashi zotëron 74% të kompanisë dhe kunata e tij, Olta Reka, zotëron 26% të aksioneve.
Interesat e lidhur të administratorit
Arben Bylykbashi - u përfshi në tregun mediatik shqiptar në vitin 1999 me themelimin e kompanisë “Club Muzikor” sh.a, ku ai zotëronte fillimisht 24% të aksioneve. Ortakët e tij në biznes ishin producenti Gjergji Shemko dhe dy shtetasit grekë, Nikolaos Papadopoulos dhe Ioannis Doudoulakis, por ata u larguan njëri pas tjetrit nga kompania. Roli i Bylykbashit u rrit me kalimin e viteve, fillimisht si administrator i kompanisë dhe më pas si aksioner i paketës kontrolluese. Me aktivitet kryesor radion "Club FM", kompania e ka shtrirë gjithashtu aktivitetin në organizimin e eventeve artistike apo në fushën e reklamave. Prej vitit 2015, kompania “Club Muzikor” u kthye në një biznes familjar. Sipas Qendrës Kombëtare të Bizneseve, Bylykbashi zotëron 74% të aksioneve ndërsa kunata e tij, Olta Reka pjesën tjetër prej 26%. Një tjetër biznes i familjes Bylykbashi është edhe kompania “Club Production”, e cila zotërohet nga bashkëshortja Flutura Bylykbashi. Kjo kompani e ka shtrirë aktivitetin e saj në produksion, shërbime të reklamës, prodhimi i posterave dhe botime të tjera.
Interesat e lidhur të kryeredaktorit
Të dhënat mungojnë
Interesat e lidhura të njerëzve të rëndësishëm
Enkel Demi- Është gazetar dhe moderator i emisioneve në televizion dhe radio. Ai e ka filluar karrierën e tij në gazetari në vitin 1993 në "Radio Tirana" dhe më pas ka kaluar në "TV Klan". Demi drejton emisionin “Shih programin” në RTSH dhe programin “Makinë me dy timonë” në "Club FM". Ai mban gjithashtu pozicionin e anëtarit të Këshillit Mbikqyrës në kompaninë “Club Muzikor”.
Flutura Bylykbashi - Është anëtare e Këshillit Mbykqyrës të kompanisë “Club Muzikor” sh.a dhe bashkëshorte e Arben Bylykbashit. Ajo është gjithashtu aksionere e vetme e kompanisë së produksionit “Club Production” sh.p.k.
Rajmonda Mema - Është anëtare e Këshillit Mbikqyrës të kompanisë “Club Muzikor” sh.a.
Rudina Qirici - Është anëtare e Këshillit Mbikqyrës të kompanisë “Club Muzikor” sh.a.
Olta Reka – Ajo u përfshi në kompaninë "Club Muzikor" Sh.a në 2008, pasi një nga themeluesit e kompanisë, Ioannis Doudoulakis, i dhuroi asaj 26% të aksioneve të tij. Reka është gjithashtu një nga drejtueset kryesore të emisoneve në "Club FM". Ajo është gjithashtu kunata e aksionerit kryesor të kompanisë, Arben Bylykbashi.
Kontakt
Të dhëna financiare
Të ardhura (in Mil. USD)
0.38 Mio. $ / 48.45 Mio. Lek
Fitim operativ (në Mil. USD)
0.04 Mio. $ / 5.06 Mio. Lek
Reklamat (si % e financimit total)
Të dhënat mungojnë
Pjesa e tregut
Të dhënat mungojnë
Më shumë informacion
Titujt
Meta Data
Struktura e pronësisë dhe pasqyrat financiare janë të publikuara në Qendrën Kombëtare të Bizneseve. Të dhënat financiare i përkasin vitit 2016. Për të konvertuar vlerat nga lekë në dollarë u përdor kursi mesatar i këmbimit i Bankës Qendrore. Për më shumë shikoni burimet.
