Lapsi.al
"Lapsi.al" është faqe online që prej fillimit të vitit 2014. Ndryshe nga shumë faqe të tjera, ajo është e fokusuar në analizën dhe opinionin politik dhe publikon disa prej opinionistëve politikë të njohur në vend dhe Kosovë, përfshi dy botuesit e saj. "Lapsi.al" mban një qëndrim kritik ndaj qeverisë.
"Lapsi.al" është paditur të paktën dy herë në gjykatë për shpifje dhe cënim të jetës private. Paditë janë bërë nga gazetarët Muhamed Veliu dhe Sokol Balla. Sokol Balla fitoi gjyqin kundër faqes të cilën akuzoi për cënim të jetës private, duke detyruar edhe një bllokim të përkohshëm të llogarive të saj. Muhamed Veliu e humbi çështjen e tij. Po ashtu, "Lapsi.al" është kritikuar nga gazeta "Panorama" për ripublikim pa të drejtë të artikujve të Fatos Lubonjës të prodhuar për gazetën.
Pjesa e audiencës
Të dhënat mungojnë
Lloj pronësie
private
Mbulimi gjeografik
Internacional
Llloji përmbajtjes
Pa pagesë
Kompani/Grupe mediatike
Lapsi.al Sh.p.k
Struktura e pronësisë
Faqja online "Lapsi.al" është në pronësi të kompanisë "Lapsi.al" Sh.p.k, ku Armand Shkullaku dhe Andi Bushati zotërojnë 50% të aksioneve secili.
Të drejta votimi
Aksionerët kanë të drejta të votës.
Pronar indvidual
Informacion i përgjithshëm
Viti themelimit
2014
Interesat e lidhur të themeluesit
Armand Shkullaku, Andi Bushati - Themeluesit e "Lapsi.al" janë gazetarët Andi Bushati dhe Armand Shkullaku. "Lapsi" filloi publikimin në vitin 2014, duke bërë të qartë që në editorialet e para se po mbante qëndrim kritik ndaj qeverisë.
Si Shkullaku ashtu edhe Bushati e nisën karrierën e tyre si gazetarë në të përditshmen "Koha Jonë", gazeta e parë e pavarur pas rënies së komunizmit dhe më vonë u zhvendosën te "Revista Klan" dhe televizioni "Klan". Bushati dhe Shkullaku kanë secili 50% të "Lapsi.al". Shkullaku ka gjithashtu 5.2 të aksioneve të një kompanie pronash të patundshme të quajtur "EU2008".
Shkullaku ka qenë drejtor informacioni në "TV Klan", "Klan Kosova" dhe "ABC News". Bushati ka qenë redaktor në "Revistën Klan", ka drejtuar një emision televiziv të quajtur 'Zonë e Ndaluar' në "TV Klan" dhe "Vizion Plus", si dhe është komentator në "News 24" dhe "Top Channel".
Si Shkullaku ashtu edhe Bushati janë kritikë të qeverisë aktuale Socialiste. Shkullaku mbështeti hapur protestën e Partisë Demokratike në pranverën e vitit 2017. Bushati ka qenë gjithashtu shumë kritik kundër ish-kryeministrit të qendrës së djathtë Sali Berisha dhe të dy kanë shkëmbyer akuza përgjatë viteve. Të dy gazetarët janë të respektuar për pavarësinë e tyre editoriale dhe njohuritë mbi politikën dhe biznesin.
Interesat e lidhur të administratorit
Armand Shkullaku dhe Andi Bushati administrojnë faqen "Lapsi.al"
Interesat e lidhur të kryeredaktorit
Dy gazetarët, Armand Shkullaku dhe Andi Bushati, drejtojnë faqen online "Lapsi.al".
Kontakt
FARKE Lagjja Kodra e Diellit, Rruga e Jasmineve, Ndertesa nr.6, Tirane
E-Mail: arionaalb@gmail.com
Tel: +355(0)42274521
Website: lapsi.al
Të dhëna financiare
Të ardhura (in Mil. USD)
0.07 Mio. $ / 9.3 Mio. Lek
Fitim operativ (në Mil. USD)
0.05 Mio. $ / 7.5 Mio. Lek
Reklamat (si % e financimit total)
Të dhënat mungojnë
Pjesa e tregut
Të dhënat mungojnë
Më shumë informacion
Meta Data
Struktura e pronësisë dhe raportet financiare janë të disponueshme për publikun në Qendrën Kombëtare të Biznesit. Të dhënat financiare i përkasin vitit 2016. Për konvertimin në USD është përdorur kursi mesatar i këmbimit i vitit 2016 i publikuar nga Banka e Shqipërisë.
