Mapo
"Mapo" u themelua si revistë e përjavshme më 2006 dhe u transformua në të përditshme më 2012. Mapo ka deklaruar synimin për t'u transformuar në një organizatë jofitimprurëse të quajtur "Fondacioni Pashko". Ajo ka një prani në internet përmes "Mapo.al". Ajo deklaron se është gazetë "e përditshme liberale".
Sipas Institutit Pashko, gazeta shet 2 mijë kopje në ditë jave dhe 3 mijë kopje në fundjavë. Ajo botohet gjashtë herë në javë. Sipas Institutit Pashko, vizitorët online janë 500,000 dhe vizitorët unikë janë 50,000.
Pjesa e audiencës
2.45%
Lloj pronësie
Private
Mbulimi gjeografik
Kombëtare
Llloji përmbajtjes
Me pagesë
Kompani/Grupe mediatike
Fondacioni Pashko
Struktura e pronësisë
Henri Çili është pronar përmes "European Education Initiative" dhe "European Education Initiative Holding".
Të drejta votimi
Të drejtat e votës janë njësoj si të drejtat e aksionerëve.
Pronar indvidual
Informacion i përgjithshëm
Viti themelimit
2006
Interesat e lidhur të themeluesit
Henri Çili – është themelues i të përditshmes Mapo dhe pronar i Universitetit Europian të Tiranës (UET), një universitet privat. Ai është ish-gazetar dhe drejtues mediaje. Më 2006, ai drejtoi të përditshmen "Standard" dhe në të njëjtin vit bashkëthemeloi UET pasi mori licencë për hapjen e një institucioni të arsimit të lartë privat me vendim të Këshillit të Ministrave, në atë kohë nën drejtimin e Kryeministrit Sali Berisha. Më 2011, Berisha i dha statusin e universitetit. Çili kishte vetëm 10% të kompanisë në fillim por u bë pronar i vetëm përmes marrëveshjeve të ndryshme gjatë viteve.
Endri Fuga – është ish-aktivist i Lëvizjes Mjaft dhe themelues i të përjavfshmes "Mapo". Aktualisht ai punon si zëdhënës i Kryeministrit Edi Rama. Fuga kishte 55% të aksioneve më 2006 të kompanisë "Albanian Communication Group", kompanisë që publikoi revistën "Mapo". Ai bleu 15% të kompanisë më 2007 nga Sokol Shameti. Fuga shiti 54% të aksioneve te kompania "BOIKEN", një kompani ndërtimi për 7.8 milionë lekë (75.000 USD) më 2009. Fuga shiti 16% të mbetura të aksioneve te e njëjta kompani më 2010 për 1.67 milionë lekë (16.000 USD).
Arbjan Mazniku – është ish aktivist i lëvizjes Mjaft, një organizatë jofitimprurëse në Tiranë dhe themelues i të përjavshmes Mapo, Shqipëri. Mazniku mbajti pozicionin e Zëvendësministrit të Arsimit 2013-2015 dhe që nga viti 2015 është zëvendëskryetar i Bashkisë Tiranë. Mazniku shiti 22% të kompanisë te "BOIKEN" për 3.2 milionë lekë (30,600$) në 2009 dhe pjesën e mbetur prej 8% të aksioneve për 880,000 lek (8461$) më 2010.
Sokol Shameti – është gazetar në Tiranë dhe aktivist. Ai është bashkëthemelues i të përjavshmes Mapo.
Interesat e lidhur të administratorit
Hysen Trungu - firmosi një kontratë për blerjen e 100% të "Mapo Agency" (ish Albanian Communication Group) më 2015 nga U.E.T Sh.p.k për 250.000 USD. Kontrata u deklarua e parealizuar më 2016 dhe aksionet u transferuan te U.E.T sh.p.k., një universitet privat. Hysen Trungu u emërua administrator i "Mapo Agency" më 2016.
Interesat e lidhur të kryeredaktorit
Arion Sulo - është kryeredaktor i gazetës "Mapo". Ai ka punuar më herët në gazeta të ndryshme, përfshirë "Koha Jonë" dhe "Shekulli".
Interesat e lidhura të njerëzve të rëndësishëm
Ervis Iljazaj – është pedagog në Universitetin Europian të Tiranës. Ai shkruan editoriale në të përditshmen "MAPO".
Fitim Zekthi – është redaktor i seksionit të komenteve në gazetën "Mapo". Ai është gazetar dhe konkurroi për deputet në listën e Partisë Demokratike në rajonin e Elbasanit më 2017. Ai nuk u zgjodh.
Kontakt
Njesia Bashkiake nr.7, Bulevardi Gjergj Fishta, Nr.70, Hyrja 1.
Website: www.mapo.al
Të dhëna financiare
Të ardhura (in Mil. USD)
0.09 Mio $ / 87.7 Mio Lek
Fitim operativ (në Mil. USD)
-0.02 Mio $ / -2.31 Mio Lek
Reklamat (si % e financimit total)
Të dhënat mungojnë
Pjesa e tregut
1.9
Më shumë informacion
Kandidatët 2017, Komisioni Qendror i Zgjedhjeve (2017), Aksesuar më 23.01.2018.
Meta Data
Struktura e pronësisë dhe bilancet financiare janë publikisht të pranishme në Qendrën Kombëtare të Bizneseve në Shqipëri. Të dhënat financiare të siguruara i përkasin vitit 2016. Për të konvertuar shumat në dollarë u përdor kursi mesatar i këmbimit i Bankës Qendrore për vitin 2016. Për më shumë, shikoni burimet. Në mënyrë që të vlerësohej pesha e aseteve dhe të ardhurave të kësaj kompanie në tregun e shtypit të shkruar, MOM ka llogaritur vlerën e aseteve, të ardhurave dhe fitimeve të 11 kompanive botuese. Mediat e përfshira në llogaritje janë: Panorama, Gazeta Shqiptare, Koha Jonë, Mapo, Shekulli, Tema, Dita, Sot News, Shqiptarja.com, Standard dhe Monitor.
