Shekulli
Gazeta "Shekulli" u themelua më 1997 nga Koço Kokëdhima përmes një kompanie të quajtur "2K Group". Ajo u bë gazeta më e madhe në vend në vitet 2000-2003 pasi çmimi i gazetës ishte 20 lekë, më pak se gjysma e çmimit të shumicës së konkurrentëve të saj. Aktualisht, ajo është kompania e dytë më e madhe për nga të ardhurat në median e shtypur.
Pjesa e audiencës
6.63%
Lloj pronësie
Private
Mbulimi gjeografik
Kombëtare
Llloji përmbajtjes
Me pagesë
Kompani/Grupe mediatike
UNIPRESS Sh.p.k
Struktura e pronësisë
UNIPRESS është nën pronësinë e Koço Kokëdhima me 90%, Dhionis Heqimi me 5% dhe Sadik Llapashtica me 5%.
Të drejta votimi
Të drejtat e votës janë njësoj si të drejtat e aksionerëve.
Pronar indvidual
Grup / Pronar indvidual
Sadik Llapashtica
Përveç aksioneve te "UNIPRESS", Sadik Llapashtica ka aksione në një kompani të quajtur "Bashot Power", e cila i ka pezulluar veprimtaritë. Në profilin e tij në LinkedIn ai prezantohet si aksioner dhe administrator i "Albanian General Electricity" (AGE Group), por një kompani e tillë nuk është e regjistruar në Qendrën Kombëtare të Biznesit. Faqja e internetit e AGE Group tregon gjithashtu Llapashticën si administrator të kompanisë që ka aktivitete në hidrocentrale dhe arte. Llapashtica rezulton administrator i "AGE Art Production" në Qendrën Kombëtare të Biznesit.
Dhionis Heqimi
Përveç aksioneve në "UNIPRESS", Heqimi ka nën pronësi me 50% "Global Work Company", një kompani konsulence dhe investimesh në projekte publike dhe private. Kompania ka pezulluar aktivitetin në Qendrën Kombëtare të Biznesit. Ai rezulton dhe aksioner me 25% i "BESTA", një kompani tregtare.
Informacion i përgjithshëm
Viti themelimit
1997
Interesat e lidhur të themeluesit
Koço Kokëdhima - "Shekulli" u themelua më 1997 nga Koço Kokëdhima përmes një kompanie të quajtur "2K Group", themeluar nga Koço Kokëdhima si aksioner kryesor. Kokëdhima ka interesa në fusha të ndryshme, përfshirë ndërtimin, tregtinë, industrinë kimike etj. Z. Kokëdhima u zgjodh anëtar i parlamentit më 2013 në listat e Partisë Socialiste. Mandati i tij u deklarua i pavlefshëm nga Gjykata Kushtetuese më 2016 për shkak se një nga kompanitë e tij, "Abissnet", pati përfituar nga fondet e shtetit gjatë kohës që ai ishte deputet. Kushtetuta e Shqipërisë ndalon kompanitë nën pronësi të deputetëve të përfitojnë nga fondet publike. Më 2017, Kokëdhima themeloi një lëvizje të re politike të quajtur "Zgjidhja".
Interesat e lidhur të administratorit
Era Kokëdhima - është vajza e Koço Kokëdhima. Ajo ka nën pronësi 35% të 2K Group dhe 40% të Radio +2, një stacion radiofonik ku ajo mban edhe pozicionin e administratores.
Interesat e lidhur të kryeredaktorit
Arben Rrozhani - është gazetar dhe kryeredaktor i të përditshmes "Shekulli".
Kontakt
Njësia Bashkiake Nr. 5, Rruga Ismail Qemali, Pallati 18
Tel.: +35544308398
Website: www.shekulli.com.al
Të dhëna financiare
Të ardhura (in Mil. USD)
0.74 Mio USD / 94.8 Mio Lek
Fitim operativ (në Mil. USD)
0.13 Mio USD / 16.8 Mio Lek
Reklamat (si % e financimit total)
Të dhënat mungojnë
Pjesa e tregut
16
Më shumë informacion
Meta Data
Struktura e pronësisë dhe raportet financiare janë të disponueshme për publikun në Qendrën Kombëtare të Biznesit. Të dhënat financiare i përkasin vitit 2016. Për konvertimin në USD është përdorur kursi mesatar i këmbimit i vitit 2016 i publikuar nga Banka e Shqipërisë. Në mënyrë që të vlerësohej pesha e aseteve dhe të ardhurave të kësaj kompanie në tregun e shtypit të shkruar, MOM ka llogaritur vlerën e aseteve, të ardhurave dhe fitimeve të 11 kompanive botuese. Mediat e përfshira në llogaritje janë: Panorama, Gazeta Shqiptare, Koha Jonë, Mapo, Shekulli, Tema, Dita, Sot News, Shqiptarja.com, Standard dhe Monitor.
