Shqiptarja.com
Gazeta "Shqiptarja.com" filloi të botohej në vitin 2011. Një pjesë e mirë e stafit u rekrutua nga media që më herët drejtohej nga Bollino dhe u ble nga botues të rinj. Gazeta zotëron faqen shqiptarja.com në internet dhe ka bashkëpunim të përhershëm me "Report.tv" në pronësi të Bollinos, pamjet e të cilit përdoren si ilustrim në lajmet e portalit dhe në aplikacionet e vëna në dispozicion me barcode në gazetë.
Pjesa e audiencës
9.29%
Lloj pronësie
Private
Mbulimi gjeografik
Kombëtare
Llloji përmbajtjes
Me pagesë
Kompani/Grupe mediatike
FFM Group Sh.p.k
Struktura e pronësisë
Gazeta e përditshme “Shqiptarja.com” është në pronësinë e grupit mediatik “FFM Group” sh.p.k 80% dhe Anila Bashës me 20%. Aksioneri kryesor i FFM është Alba Malltezi me 74,6% të aksioneve.
Të drejta votimi
Të gjithë aksionerët kanë të drejtën e votës. Vendimet mund dhe merren nga aksioneri me shumicë. AF5
Pronar indvidual
Informacion i përgjithshëm
Viti themelimit
2011
Interesat e lidhur të themeluesit
FFM Group (Alba Malltezi), Anila Basha - Pasi kompania italiane "Edisud S.p.a" shiti aksionet e televizionit "News24" dhe "Gazetës Shqiptare" në vitin 2011, ish-drejtuesi i këtyre mediave, botuesi Italian Carlo Bollino, bashkëshortja e tij Alba Malltezi dhe ish-kryeredaktorja e Gazetës Shqiptare, Anila Basha, bashkë me gazetarë të mediave të mësipërme, themeluan gazetën Shqiptarja.com.
Gazeta zotërohet prej "FFM Group" me 80% të aksioneve dhe nga Anila Basha, ish-kryeredaktore e saj, e cila zotëron 20% të aksioneve. Alba Malltezi zotëron 74,9% të "FFM Group". Anila Basha, pavarësisht aksioneve, por nuk është aktive në menaxhimin e gazetës prej disa vitesh. Ajo zotëron ndërkohë një media online “Newsbomb.al”.
Grupi i mësipërm, sëbashku me Bollinon, shihet si pranë të majtës dhe kryeministrit Edi Rama. Ndaj bashkëshortëve Bollino e Malltezi ka pasur disa akuza nga opozita aktuale dhe ish-kryeministri Sali Berisha për afërsinë politike me kryeministrin Edi Rama dhe po ashtu mbi projektin Bunkart. Gazeta vetë i ka mohuar akuzat, megjithatë në disa raste drejtuesit e saj kanë replikuar me ish-kryeministrin Sali Berisha.
Interesat e lidhur të administratorit
Genci Kondi - është pjesë e grupit të gazetarëve që themeloi "Shqiptarja.com". Ai mori pozicionin e administratorit pas largimit të Anila Bashës. Kondi është një gazetar i vjetër i ekonomisë dhe ka bashkëpunuar me Malltezin dhe Bollinon edhe gjatë kohës që ata drejtonin "Gazetën Shiptare".
Interesat e lidhur të kryeredaktorit
Aurel Pepa - është kryeredaktor i “Shqiptarja.com”. Ai më herët ka drejtuar një të përditshme sportive. Pepa ka lidhje familjare me ndërtuesin dhe ish-botuesin e gazetës së mbyllur Metropol, Alban Xhaferri.
Interesat e lidhura të njerëzve të rëndësishëm
Carlo Bollino - Edhe pse nuk rezulton si pronar apo drejtues i kompanisë, Carlo Bollino, gazetar i ANSA i përfshirë në median shqiptare që prej fillimit të viteve 90’, është njeriu kyç pas "Shqiptarja.com" dhe "Report TV", të cilin e zotëron me 100% të aksioneve. Bollino është parë si i afërt me Partinë Socialiste dhe qeverinë aktuale, edhe pse ai i ka mohuar akuzat. Ndaj Bollinos ka pasur disa akuza nga opozita dhe ish-kryeministri Sali Berisha për përfshirjen e tij në projekte të financuara nga qeveria, më i njohuri ndër ta Bunkart.
Kontakt
Njësia Bashkiake nr 2, Rruga Niko Pushkin, 3 Kullat, Kulla 2, Kati 1, Tirana
Tel: +355 682059476
Website: shqiptarja.com
Të dhëna financiare
Të ardhura (in Mil. USD)
0.03 Mio. $ / 3.9 Mio. Lek
Fitim operativ (në Mil. USD)
0.00 Mio. $ / 0.23 Mio. Lek
Reklamat (si % e financimit total)
Të dhënat mungojnë
Pjesa e tregut
0.6
Më shumë informacion
Meta Data
Struktura e pronësisë dhe bilancet financiare janë publikisht të pranishme në Qendrën Kombëtare të Bizneseve në Shqipëri. Të dhënat financiare të siguruara i përkasin vitit 2016. Për të konvertuar shumat në dollarë u përdor kursi mesatar i këmbimit i Bankës Qendrore për vitin 2016. Në mënyrë që të vlerësohej pesha e aseteve dhe të ardhurave të kësaj kompanie në tregun e shtypit të shkruar, MOM ka llogaritur vlerën e aseteve, të ardhurave dhe fitimeve të 11 kompanive botuese. Mediat e përfshira në llogaritje janë: Panorama, Gazeta Shqiptare, Koha Jonë, Mapo, Shekulli, Tema, Dita, Sot News, Shqiptarja.com, Standard dhe Monitor.
