Standard
Gazeta "Standard" është e përditshme prej fundit të vitit 2005 dhe për një kohë të gjatë ka mbajtur një suplement javor. Gazeta u themelua si media me qendrim editorial të djathtë. Numri i saj i parë pati si titull kryesor një intervistë me Sali Berishën, atëherë kryeministër, ndërsa edhe më vonë ajo ka mbajtur qendrim mjaft pranë PD-së. Gazeta është angazhuar prej kohësh në publikimin e materialeve të konspiracionit anti-Soros, që shpesh janë kryeartikuj të saj.
Pjesa e audiencës
0.99%
Lloj pronësie
Private
Mbulimi gjeografik
Kombëtare
Llloji përmbajtjes
Me pagesë
Kompani/Grupe mediatike
Standard L.T.D. Sh.p.k
Struktura e pronësisë
Sofokli Duni është ortaku i vetëm me 100% të aksioneve në kompaninë "Standard LTD", e cila publikon gazetën "Standard".
Të drejta votimi
E drejta e votës është e njëjtë me përfaqësimin e aksionerëve.AF14
Pronar indvidual
Informacion i përgjithshëm
Viti themelimit
2005
Interesat e lidhur të themeluesit
Gerti Duni, Faik Dizdari, Etleva Kadilli - Gazeta "Standard" u krijua në Nëntor të vitit 2005, me themelues Gerti Dunin, Faik Dizdarin dhe Etleva Kadilli, të cilët themeluan kompaninë "Standard" Sh.p.k. Kompania rezulton e pezulluar dhe në likujdim në regjistrin tregtar, ndërsa gazeta prej vitit 2013 botohet nga kompania "Standard Ltd" e themeluar dhe me aksioner të vetëm Sofokli Dunin. Ai është vëllai i Gerti Dunit dhe më herët administroi kompaninë "Standard" Sh.p.k, e cila publikoi sëpari gazetën. Ai kandidoi për të qenë anëtar i Këshillit Kombëtar të Partisë Demokratike, ndërsa qendrimet e gazetës kanë qenë pranë PD. Vëllezërit Duni kanë jetuar një pjesë të kohës në Sllovaki, ku rezultojnë të angazhuar në biznese të publikimit, të shërbimeve dhe në ndërtim. Të dy kanë aktivitet tregtar në Shqipëri.
Gerti Duni ka në Shqipëri aktivitet tregtar dhe zotëron kompaninë "MF 1" me aktivitet tregtar dhe në fushën e shërbimeve, ndërsa vëllai i tij Sofokli Duni rezulton aktiv si aksioner me 24% të aksioneve të klubit të futbollit të Himarës dhe 50% të aksioneve të kompanisë së ndërtimit "IONIAN COAST PROPERTY DEVELOPEMENT", 50% tjetër i të cilës zotërohet nga Florenc Gjikuria.
Prej krijimit, vëllezërit Duni janë të vetmit aksionerë të qëndrueshëm. Nga themeluesit Etleva Kadilli, bashkëshortja e Fatbardh Kadillit, i cili drejtonte njësinë antikorrupsion në qeverinë e kryeministrit Sali Berisha dhe më vonë u zgjodh deputet i PD, u tërhoq pak kohë pas krijimit të kompanisë. Aksionet e saj u blenë fillimisht nga Dizdari dhe Duni, të cilët ia shitën ato Genti Gurashit. Gurashi rezulton pronar me 100% të aksioneve të një kompanie me emrin "Media Standard" Sh.p.k dhe një biznesi konsulence me emrin e tij.
Ndërkohë, megjithëse nuk rezulton pronar, por administrator i "Media Standard" Shpk, kompania drejtohej nga Arjan Çukaj, i cili u njoh edhe si një nga botuesit e "Standard", biznesmen në fushën e ndërtimit, energjitikës dhe me një universitet privat. Çukaj u përfshi në një përplasje publike me ish-ministrin e Arsimit Genc Pollon pas disa artikujve në gazetë. Çështja shkoi në Gjykatën e Tiranës. Ndërkohë, Faik Dizdari themeluesi tjetër i "Standard" Shpk, biznesmen në fushën e shërbimeve, hotelerisë dhe tregtisë, u tërhoq nga gazeta edhe pse nuk i shiti aksionet në kompaninë "Standard" Shpk. Kjo kompani që botoi gazetën deri në vitin 2013 rezulton e pezulluar, ndërsa një përmbarues privat ka kërkuar bllokimin e aktiviteteve të saj.
Interesat e lidhur të administratorit
Sofokli Duni - është administrator i gazetës që prej vitit 2006 dhe tashmë edhe pronar i vetëm i saj përmes kompanisë "Standard Ltd". Ai është aksioner në klubin e futbollit të Himarës, pronar i një restoranti në Himarë, biznes që rezulton i pezulluar, si dhe aksioner me 50% të aksioneve në kompaninë "IONIAN COAST PROPERTY DEVELOPEMENT".
Ka jetuar një pjesë të kohës në Sllovaki, ku bashkë me të vëllain rezulton në biznesin e printimeve, restoranteve, printimit e të ngjashme. Politikisht ai është mjaft pranë të djathtës dhe kandidoi për të qenë anëtarë i Këshillit Kombëtar të Partisë Demokratike.
Interesat e lidhur të kryeredaktorit
Gëzim Saliu - kryen funksionet e kryeredaktorit të gazetës "Standard" prej disa vitesh.
Kontakt
Email info@standard.al
Website: www.standard.al
Të dhëna financiare
Të ardhura (in Mil. USD)
0.02 Mio. $ / 1.9 Mio. Lek
Fitim operativ (në Mil. USD)
0.00 Mio. $ / 0.1 Mio. Lek
Reklamat (si % e financimit total)
Të dhënat mungojnë
Pjesa e tregut
0.3
Më shumë informacion
Meta Data
Informacionet për kompaninë dhe bilancet ekonomike të saj u morën nga Qendra Kombëtare e Bizneseve. Kompania që themeloi gazetër rezulton e pezulluar, ndërsa ajo publikohet nga një kompani e krijuar në vitin 2013. Në mënyrë që të vlerësohej pesha e aseteve dhe të ardhurave të kësaj kompanie në tregun e shtypit të shkruar, MOM ka llogaritur vlerën e aseteve, të ardhurave dhe fitimeve të 11 kompanive botuese. Mediat e përfshira në llogaritje janë: Panorama, Gazeta Shqiptare, Koha Jonë, Mapo, Shekulli, Tema, Dita, Sot News, Shqiptarja.com, Standard dhe Monitor.
