Klan TV Sh.a
"TV Klan" është një nga grupet më të mëdha të medias në Shqipëri, nën pronësinë e ish-gazetarit të kthyer në biznesmen Aleksandër Frangaj dhe bashkëshortes së tij Alba Gina. "TV Klan" është aktiv në tregjet e televizionit dhe radios përmes kanaleve "TV Klan", "Klan Plus", "Radio Klan" dhe në mënyrë indirekte përmes "ABC News TV" - ku Frangaj dhe Gina janë aksionerë minoritarë.
"TV Klan" është kompania mediatike e dytë më e madhe në tregun e televizioneve pa pagesë sa i përket të ardhurave dhe ka fitimet më të larta në të gjithë tregun e medias në vend, përfshirë platformat televizive me pagesë. "TV Klan" ka asete totale me vlerë 2.4 miliardë lekë (USD 18.8 Mio), gjë që përbën 15% të aseteve totale të tregut të medias televizive në Shqipëri.
Kompania "TV Klan" operon kanalet televizive "TV Klan" dhe "TV Klan Plus", si dhe "Radio Klan". Ajo ka nën pronësi një nga pesë licencat për transmetime dixhitale tokësore private.
"TV Klan" u themelua më 1997 nga tri biznesmenë, Aleksandër Frangaj (50%), Marsel Skëndo (25%) dhe Julian Roche (25%). Klan mori një nga dy licencat kombëtare më 2001. Aktualisht është nën pronësinë e Aleksandër Frangaj (60%) dhe bashkëshortes së tij Alba Gina (40%).
"TV Klan" njihet për kultivimin e marrëdhënieve miqësore me qeveri të ndryshme dhe është akuzuar se ka marrë shpërblime për linjën editoriale proqeveritare, përfshirë sasi të konsiderueshme reklamash qeveritare.
Formular i biznesit
Private
Forma ligjore
Shoqëri Aksionere
Sektorët biznesit
Radio dhe televizion; prodhim muzikor; transmetime dixhitale
Pronar indvidual
Media të tjera Online
www.klanplus.al
Biznesi i medias
Telekomunikacion
Hightel Towers Albania (4.42%)
Biznes
Klan Kosova është televizion në Prishtinë, Kosovë, e cila është nën pronësinë e TV Klan.
Informacion i përgjithshëm
Viti themelimit
1997
Interesat e lidhura me themeluesin
Aleksandër Frangaj - është ish-gazetar dhe sipërmarrës në media me aksione në "TV Klan", "ABC News" dhe një kompani e quajtur "Albania 2017" e themeluar më 2017. Në vitin 1997, Frangaj themeloi kompaninë "Media 6" bashkë me dy biznesmenë të tjerë, Julian Roche dhe Marsel Skendo. Frangaj zotëronte 50% të kompanisë, ndërsa ortakët e tij nga 25% secili. Kompania publikonte revistën e përjavshme "Klan" dhe themeloi kanalin televiziv me të njejtin emër. Sot, Frangaj zotëron 60% të aksioneve, ndërsa gruaja e tij, Alba Gina, zotëron 40% te "TV Klan". Ai inicioi planet për një paketë satelitore me pagesë të quajtur "Satelit +" më 2004 dhe një platforme të ngjashme transmetimesh sportive të quajtur "SuperSport" më 2006, përmes aksioneve nën pronësinë e bashkëshortes së tij, Alba Gina. Ai konsiderohet një pronar mediaje pranë qeverisë - pavarësisht se kush e ka pushtetin dhe ia ka dalë me sukses të ndryshojë krah dhe të mbështesë partinë në pushtet përgjatë 20 viteve të fundit.
Marsel Skendo – është themelues i "TV Klan" dhe aksioner në kompaninë "ADA Holding", një nga kompanitë më të vjetra të themeluara në Shqipëri në tetor 1990, menjëherë pasi regjimi komunist lejoi sipërmarrjet private. Që nga ajo kohë, "ADA Holding" ka pasur aktivitete në transport ajror, komunikim, ndërtim, tregti dhe energji, si dhe internet. Kompania "ADA Net" është ofruesi i parë i shërbimit të internetit në vend.
Julien Roche - është një shtetas francez dhe biznesmen. Së bashku me Marsel Skendon ai është themelues i "ADA Holding" dhe "TV Klan", aktualisht President i Dhomës Shqiptaro-Franceze të Tregtisë dhe Industrisë dhe themelues e aksioner i "Helicopters Albania". Ai ishte bashkëpresident i "ADA Air", kompania e parë ajrore në vend. Deri vitin e kaluar, ai ishte anëtar i bordit ekzekutiv i "Société Generale Albania".
Punonjësit
Të dhënat mungojnë
Kontakt
Televizioni Kombëtar Klan, Rruga: “AleksanderMoisiu”, nr.97, PranëIsh – Kinostudio, 1007, Tirana, Albania.
Tel: +355 42 347 821/2/3;
Email: info@tvklan.al
NIPT
J71413001L
Të dhëna financiare
Të ardhura (të dhëna financiare/ opsionale)
9.1 Mio. $ / 1.166 Bn. Lek
Fitimi operativ (në Mil. USD)
1.93 Mio. $ / 247 Mio. Lek
Reklamat (si % të totalit të financimit)
Të dhënat mungojnë
Drejtuesit
Bord mbikëqyrës + interesat e bordit mbikëqyrës
Sotir Bicka – është anëtar i Këshillit Mbikëqyrës të "TV Klan".
Albert Dumani – është drejtor i programeve në "TV Klan" dhe anëtar i Këshillit Mbikëqyrës të kompanisë.
Eldrid Malosmani – është producent televiziv dhe anëtar i Këshillit Mbikëqyrës të "TV Klan".
Persona të tjerë me ndikim + Interesat e personave të tjerë me ndikim
Eduard Frangaj është gazetar dhe vëllai i Aleksandër Frangaj, administratorit dhe aksionerit kryesor të "TV Klan".
Blendi Fevziu - është drejtues i emisionit "Opinion", emisioni më popullor politik në median shqiptare që nga viti 1997. Fevziu ka qenë gazetar që nga vitet 1990 dhe ka punuar më herët si kryeredaktor në gazeta të ndryshme të pavarura dhe partiake në fillim të viteve '90 para se të niste karrierën si drejtues emisioni. Në fillim të viteve 2000, ai ishte drejtor i gazetës "Korrieri", tashmë e mbyllur. Emisioni i tij është transmetuar katër herë në javë që nga viti 2008. Fevziu është autor i disa librave letrarë dhe publicistikë.
Armand Shkullaku - ka qenë gazetar që nga fillimi i viteve 1990 me një karrierë si redaktor, kryeredaktor dhe drejtor i shumë mediave. Ai është gjithashtu President i Shoqatës së Gazetarëve Profesionistë të Shqipërisë, një organizatë e regjistruar në Shqipëri.
Pandi Laço - është drejtor artistik i shumë spektakleve në TV Klan. Gjatë viteve 2008-2011 ka organizuar emisionin “Histori me Zhurmues”, i cili trajtonte tema historike përmes arkivave filmike dhe intervistave.
Më shumë informacion
Meta Data
TV Klan është shoqëri aksionere. Struktura e pronësisë dhe raportet financiare publikohen në Qendrën Kombëtare të Biznesit. Për qëllim të vlerësimit të peshës së aseteve dhe të ardhurave të kësaj kompanie në tregun e medias, MOM ka llogaritur vlerën e aseteve, të të ardhurave dhe fitimeve të 8 kompanive televizive dhe dy platformave me pagesë. Kompanitë e përfshira në këtë llogari janë: DigitAlb, Tring, Top Channel, Klan, Media Vizion, Multiscreen, Focus Media News, ABC News, Ora News dhe Scan.
Për konvertimin në USD është përdorur kursi mesatar i këmbimit i vitit 2016 i publikuar nga Banka e Shqipërisë.Pjesa e audiencës për televizionet kryesore janë dhënë nga Abacus Research dhe Telemetrix për vitin 2017, të dhënat janë konfliktuale dhe për këtë arsye janë dhënë të dyja matjet.
