Panorama Group Sh.p.k
Panorama Group është kompania më e madhe e botimeve në tregun e shtypit të shkruar në Shqipëri dhe zotëron të përditshmen Panorama, gazetën sportive Panorama Sport dhe revistën e përmuajshme Psikologjia. Grupi u themelua në Shtator 2002 nga tre biznesmenët Irfan Hysenbelliu, Alban Xhaferi dhe Lefter Sota. Dy të parët kishin në atë kohë investime të konsiderueshme në ndërtim, ndërkohë që Sota njihej për biznesin e tij të tregtisë së hekurit. Dokumentet nga Qendra Kombëtare e Bizneseve tregojnë se Irfan Hysenbelliu zotëronte 34 % të aksioneve, ndërkohë që Xhaferi dhe Sota kishin nga 33% secili. Alban Xhaferi u largua nga kompania në vitin 2003 dhe një vit më vonë hapi gazetën “Metropol”. Në vitin 2005, edhe Sota u largua nga kompania dhe themeloi gazetën “Tirana Observer”. Gazeta Metropol u mbyll në vitin 2010, ndërkohë që Tirana Observer i vazhdon publikimet e saj vetëm online. Prej vitit 2005, Irfan Hysenbelliu është pronari i vetëm i kompanisë “Panorama Group”. Grupi është gjithashtu aksioneri i vetëm i kolegjit universitar “Luarasi”.
Formular i biznesit
Private
Forma ligjore
Shoqëri Aksionere
Sektorët biznesit
Transmetime radio-televizive; Botime; Ndërtim; Tregti; Hoteleri-Turizëm; Fabrikë birre; Kantinë vere; Prodhim uji të pijshëm; Edukim (kolegj universitar privat)
Pronar indvidual
Irfan Hysenbelliu është presidenti i grupit mediatik Focus Media Group dhe pronar i kompanisë Panorama Group sh.a me investime kyçe në televizion, radio dhe në shtypin e shkruar. Hysenbelliu është sipërmarrës në fushat e ndërtimit, të prodhimit të birrës dhe verës, në hoteleri si dhe në arsimin universitar privat në vend. Ai e nisi karrierën në vitin 1994 si tregtar dhe importues i produkteve ushqimore, por vetëm një vit më pas e shtriu aktivitetin e tij në biznesin fitimprurës së ndërtimeve në Tiranë. Në vitin 1997, Hysenbelliu privatizoi ndërmarrjen shtetërore të prodhimit të mjeteve mësimore “ALB-MS 97” si dhe u përfshi bashkë me 10 biznesmenë të tjerë në privatizimin e shoqërisë “Birra Tirana”. Por ai i shiti shpejt aksionet e tij dhe në vitin 2004 bleu fabrikën e prodhimit të “Birrës Korça”, pronar i së cilës është edhe sot. Në vitin 2002, Hysenbelliu vendosi të investonte në media duke themeluar shoqërinë mediatike “Panorama Group sh.p.k”, e cila zotëron gazetat “Panorama” dhe “Panorama Sport” si dhe revistën “Psikologjia”. Në vitin 2011 ai e shtriu ndikimin e tij si botues edhe në fushën e mediave audiovizive, pasi bleu për 5.9 milionë euro së bashku me bankerin Artan Santo televizionin News 24, së bashku me të përditshmen “Gazeta Shqiptare”, portalin “Balkanweb” si dhe radion “Rash”. Ndonëse njihet publikisht si President i “Focus Group”, Irfan Hysenbelliu nuk është aksioner i saj në letra. Sipas Qendrës Kombëtare të Bizneseve, pronar i kompanisë është kushëriri i tij, Bashkim Hysenbelli.
Media të tjera të shkruara
Panorama Sport (2.60%)
Psikologjia (0.89%)
Media të tjera Online
http://www.panorama.com.al/sport/
http://revistapsikologji.com/
www.panoramaplus.al
Biznesi i medias
Botime
Panorama Group (100%)
Focus Press LLC (100%)
Transmetime radio-televizive
Focus Media News (100%)
Biznes
Ndërtim
Erjoni (100%)
W. Elektrik (100%)
Tregti
Pegasos (50%)
Hysenbelliu Group (100%)
Hoteleri dhe turizëm
Hysenbelliu (100%)
Kantinë vere
Egnatia Group (100%)
Prodhim i ujit të pijshëm
Fab Group (100%)
Fabrikë birre
Egnatia Group-Birra Korca (99.02%)
Edukim
University College Luarasi (100%)
Informacion i përgjithshëm
Viti themelimit
2002
Interesat e lidhura me themeluesin
Irfan Hysenbelliu, Alban Xhaferri dhe Lefter Sota – E përditshmja Panorama nisi botimet në vitin 2002 si një bashkëpunim mes tre biznesmenëve Irfan Hysenbelliu, Alban Xhaferri dhe Lefter Sota. Dy të parët kishin investime të gjera në fushën e ndërtimit, ndërsa Sota njihej më tepër për kompanitë e tij të përpunimit të hekurit. Dokumentet e themelimit në Qendrën Kombëtare të Bizneseve tregojnë se Irfan Hysenbelliu zotëronte 34 % të aksioneve në kompaninë „Panorama Group“, ndërkohë që Xhaferri dhe Sota ndanin secili nga 33 %. Alban Xhaferri u tërhoq nga kompania në vitin 2003 dhe një vit më vonë themeloi një gazetë të re të quajtur „Metropol“. Në vitin 2005, edhe Lefter Sota ia transferoi aksionet e tij Hysenbelliut dhe në të njëjtin vit themeloi të përditshmen „Tirana Observer“. Gazeta „Metropol“ u mbyll në vitin 2010, ndërsa „Tirana Observer“ i vazhdon botimet e saj vetëm në internet. Prej vitit 2005, Irfan Hysenbelliu është aksioneri i vetëm i grupit mediatik „Panorama Group“.
Punonjësit
Të dhënat mungojnë
Kontakt
Rruga “Panorama”, Nd.3, H.14, Ap. 3, Njësia Bashkiake nr. 9, 1016 Tirana
Tel: +355 42 403 207
Faqja e internetit: www.panorama.com.al
NIPT
K22112005E
Të dhëna financiare
Të ardhura (të dhëna financiare/ opsionale)
2.12 Mio. $ / 271.45 Mio. Lek
Fitimi operativ (në Mil. USD)
0.07 Mio. $ / 8.69 Mio. Lek
Reklamat (si % të totalit të financimit)
Të dhënat mungojnë
Drejtuesit
Bordi ekzekutiv + interesat e bordit ekzekutiv
Ardit Çela –ka studiuar për inxhinieri telekomunikacioni në Universitetin e Tiranës. Ai ka mbajtur postin e sekretarit të Marrëdhënieve me Publikun në Lëvizjen Socialiste për Integrim si dhe më pas u emërua si Drejtor i Përgjithshëm i Posta Shqiptare. Çela është gjithashtu anëtar i Këshillit Bashkiak të Tiranës dhe në zgjedhjet e fundit parlamentare kandidoi si deputet për Lëvizjen Socialiste për Integrim. Prej janarit 2016 ai kryen detyrën e administratorit të kompanisë “Panorama Group” sh.a.
Bord mbikëqyrës + interesat e bordit mbikëqyrës
Fabjola Hysenbelliu është vajza e pronarit Irfan Hysenbelliu dhe anëtare e Këshillit Mbikqyrës të kompanisë “Panorama Group” sh.a.
Fatmir Hysenbelliu është djali i pronarit Irfan Hysenbelliu dhe anëtar i Këshillit Mbikqyrës.
Folitjana Puravelli është anëtare e Këshillit Mbikqyrës në kompaninë “Panorama Group”.
Persona të tjerë me ndikim + Interesat e personave të tjerë me ndikim
Robert Rakipllari –është gazetar dhe kryeredaktor i Gazetës Panorama. Më parë, ai ka mbajtur postin e kryeredaktorit në gazetën e përditshme “Shekulli”.
Fatos Lubonja – Është publicist, shkrimtar dhe gazetar i njohur në Shqipëri. Në moshën 23-vjeçare, Lubonja u arrestua nga regjimi komunist dhe u dënua fillimisht me shtatë vjet burg për “agjitacion dhe propagandë”, pasi policia gjeti në ditarët e tij të fshehur në shtëpinë e xhaxhait kritika për regjimin e Enver Hoxhës. Në vitin 1979, kur ishte duke vuajtur dënimin, Lubonja u akuzua sërish nga regjimi, këtë herë për pjesmarrje në një “organizatë kundër-revolucionare” së bashku me nëntë persona të tjerë dhe u dënua me 25 vjet burg. Lubonja u lirua pas 17 vitesh burg në 1991 dhe u përfshi në çështjet e të drejtave të njeriut. Në vitin 1994, ai themeloi revistën “Përpjekja”. Lubonja është autor i disa librave, ndër të cilët “Ridënimi”, “Në vitin e shtatëmbëdhjetë” dhe “Trashëgimia kulturore e Shqipërisë në rrezik”. Ai është gjithashtu një kritik i zëshëm i politikës shqiptare dhe i kryeministrit aktual, Edi Rama. Lubonja shkruan për gazetën “Panorama” dhe është atashuar si komentator pranë televizionit News 24.
Më shumë informacion
Meta Data
Struktura e pronësisë dhe bilancet financiare janë publikisht të pranishme në Qendrën Kombëtare të Bizneseve në Shqipëri. Të dhënat financiare të siguruara i përkasin vitit 2016. Për të konvertuar shumat në dollarë u përdor kursi mesatar i këmbimit i Bankës Qendrore për vitin 2016. Panorama Group iu përgjigj kërkesës për informacion të bërë nga ekipi i MOM më 8 Janar 2018. Për më shumë, shikoni burimet.
