Fondacioni Pashko
Fondacioni Pashko është një ent jofitimprurës i krijuar nga transformimi i shoqërisë me përgjegjësi të kufizuara Mapo Agency në fondacion. Fondacioni publikon të përditshmen 'Mapo' dhe të përjavshmen 'Madam Mapo' dhe ka një prani në internet përmes adresës Mapo.al. E përditshmja Mapo është e vetë-deklaruar "e përditshme liberale" dhe është e lidhur ngushtë me Universitetin Europian të Tiranës, një institucion i arsimit të lartë privat. Në vitin 2015, Mapo Agency pati 1.9% të tregut të medias së shtypur.
Formular i biznesit
Private
Forma ligjore
Fondacion
Sektorët biznesit
Botime
Pronar indvidual
Henri Çili është themelues i të përditshmes Mapo dhe pronar i Universitetit Europian të Tiranës, një universitet privat. Ai është ish-gazetar dhe drejtues mediaje. Më 2006 ai drejtoi të përditshmen Standard dhe në të njëjtin vit bashkëthemeloi UET pasi mori licencë për hapjen e një instituti të arsimit të lartë me vendim të Këshillit të Ministrave, në atë kohë nën Kryeministrin Sali Berisha. Më 2011, qeveria "Berisha" i dha statusin e universitetit. Çili kishte vetëm 10% të kompanisë në fillim por u bë pronar i vetëm përmes marrëveshjeve të ndryshme gjatë viteve që pasuan.
Çili është i njohur për manovrimin mes forcave të ndryshme politike dhe e prezanton veten si libretar. Ai është i njohur se i bëri thirrje shqiptarëve të votonin për një mandat të tretë ish-kryeministrin Sali Berisha më 2013 dhe i bëri thirrje shqiptarëve të votonin për një mandat të dytë Edi Ramën më 2017. Para se të mbështeste Ramën publikisht, revista e tij shpalli udhëheqësin aktual të opozitës Lulzim Basha "Njeriu i Vitit". Ai është akuzuar se ka ndikuar iniciativën e Ramës për reformimin e arsimit të lartë në Shqipëri, një projekt të shumëdebatuar që synon të rrisë tarifat për studentët si dhe t'i japë universiteteve private fonde publike. Çili i mohon akuzat.
Media të tjera të shkruara
Mapo Magazine (1.11%)
Madam Mapo (1.08%)
Media të tjera Online
http://madame.mapo.al
Biznesi i medias
Botime
Fondacioni Pashko (100%)
Biznes
Arsim
European Education Initiative Holding (100%)
Informacion i përgjithshëm
Viti themelimit
2006
Interesat e lidhura me themeluesin
Henri Çili – është themelues i të përditshmes Mapo dhe pronar i Universitetit Europian të Tiranës (UET), një universitet privat. Ai është ish-gazetar dhe drejtues mediaje. Më 2006, ai drejtoi të përditshmen Standard dhe në të njëjtin vit bashkëthemeloi UET pasi mori licencë për hapjen e një institucioni të arsimit të lartë privat me vendim të Këshillit të Ministrave, në atë kohë nën drejtimin e Kryeministrit Sali Berisha. Më 2011, Berisha i dha statusin e universitetit. Çili kishte vetëm 10% të kompanisë në fillim por u bë pronar i vetëm përmes marrëveshjeve të ndryshme gjatë viteve.
Endri Fuga – është ish-aktivist i Lëvizjes Mjaft dhe themelues i të përjavshmes Mapo. Aktualisht ai punon si zëdhënës i Kryeministrit Edi Rama. Fuga kishte 55% të aksioneve më 2006 të kompanisë Albanian Communication Group, kompanisë që publikoi revistën Mapo. Ai bleu 15% të kompanisë më 2007 nga Sokol Shameti. Fuga shiti 55% të aksioneve te kompania BOIKEN, një kompani ndërtimi për 7.8 milionë lekë (75.000 USD) më 2009. Fuga shiti 16% të mbetura të aksioneve te e njëjta kompani më 2010 për 1.67 milionë lekë (16.000 USD)
Arbjan Mazniku – është ish aktivist i lëvizjes Mjaft, një organizatë jofitimprurëse në Tiranë dhe themelues i të përjavshmes Mapo, Shqipëri. Mazniku mbajti pozicionin e Zëvendësministrit të Arsimit 2013-2015 dhe që nga viti 2015 është zëvendëskryetar i Bashkisë Tiranë. Mazniku shiti 22% të kompanisë te BOIKEN për 3.2 milionë lekë (30,600$) në 2009 dhe pjesën e mbetur prej 8% të aksioneve për 880,000 lek (8461$) më 2010.
Sokol Shameti – është gazetar në Tiranë dhe aktivist. Ai është bashkëthemelues i të përjavshmes Mapo.
Punonjësit
Të dhënat mungojnë
Kontakt
Njesia Bashkiake nr.7, Bulevardi Gjergj Fishta, Nr.70, Hyrja 1.
Faqja e internetit: www.mapo.al
NIPT
Mapo: K62225006P; EEI: L61419036L
Të dhëna financiare
Të ardhura (të dhëna financiare/ opsionale)
Mapo: 0.09 Mio. $ / 87.7 Mio. Lek; E.E.I: 5.92 Mio. $ / 759.9 Mio. Lek
Fitimi operativ (në Mil. USD)
Mapo: -0.02 Mio. $ / -2.31 Mio. Lek; E.E.I: 0.62 Mio. $ / 75.5 Mio. Lek
Reklamat (si % të totalit të financimit)
Të dhënat mungojnë
Drejtuesit
Bord mbikëqyrës + interesat e bordit mbikëqyrës
Ervin Bushati – anëtar i bordit drejtues të fondacionit dhe deputet i Kuvendit të Shqipërisë për Partinë Socialiste.
Armand Shkullaku – anëtar i bordit drejtues të fondacionit, gazetar dhe themelues e bashkëpronar i faqes informative ‘Lapsi.al.’ Shkullaku e filloi karrierën në gazetën e përditshme Koha Jonë. Shkullaku mbështeti hapur protestat e opozitës në pranverën e vitit 2017. Ai është aksioner i një kompanie pronash të patundshme të quajtur EU 2008, me 5.2% të aksioneve. Shkullaku është gjithashtu president i Shoqatës së Gazetarëve Profesionistë të Shqipërisë.
Selami Xhepa – anëtar i bordit drejtues të fondacionit, ish-këshilltar i Sali Berishës dhe ish-deputet për Partinë Demokratike (2009-2013)
Genc Ruli – anëtar i bordit drejtues të fondacionit, ish-Ministër i Bujqësisë dhe ish-deputet për Partinë Demokratike.
Mustafa Nano¬– anëtar i bordit drejtues të fondacionit dhe gazetar.
Persona të tjerë me ndikim + Interesat e personave të tjerë me ndikim
Arion Sulo – është gazetar që ka punuar më herët në gazeta të ndryshme, përfshirë Koha Jonë dhe Shekulli.
Ervis Iljazaj – është pedagog në Universitetin Europian të Tiranës. Ai shkruan editoriale në të përditshmen MAPO.
Fitim Zekthi – është redaktor i seksionit të komenteve në gazetën Mapo. Ai është gazetar dhe konkurroi për deputet në listën e Partisë Demokratike në rajonin e Elbasanit më 2017. Ai nuk u zgjodh.
Më shumë informacion
Meta Data
Fondacioni Pashko është një ent jofitimprurës. Është pasardhës i Mapo Agency, një sh.p.k. Struktura e pronësisë dhe raportet financiare janë të disponueshme për publikun në Qendrën Kombëtare të Biznesit. Të dhënat financiare i përkasin vitit 2015. Mapo nuk ka raportuar të dhëna financiare për vitin 2016. Për konvertimin në USD është përdorur kursi mesatar i këmbimit i vitit 2016 i publikuar nga Banka e Shqipërisë. Me qëllim vlerësimin e peshës së aseteve dhe të ardhurave të kësaj kompanie në tregun e medias së shtypur, MOM ka llogaritur vlerën e aseteve, të ardhurat dhe fitimet e 11 kompanive të medias së shtypur. Kompanitë e përfshira në llogari janë si vijon: Panorama, Gazeta Shqiptare, Koha Jone, Mapo, Shekulli, Tema, Dita, Shqiptarja.com, Standard dhe Monitor.
