Top Media
"Top Media" është grupi më i madh mediatik në Shqipëri dhe zotërohet kryesisht nga familja Hoxha. Historia e tij fillon në vitin 1998, kur Dritan Hoxha themeloi "Top Albania Radion" dhe tre vjet më pas televizionin "Top Channel", i cili falë gazetarëve të njohur dhe teknologjisë moderne u kthye në një kohë të shkurtër në televizionin më popullor në Shqipëri. Në vitin 2004, Dritan Hoxha lançoi platformën me pagesë "DigitAlb", e cila e forcoi edhe më tej konglomeratin e tij mediatik. Hoxha vidq më 23 Maj 2008 si pasojë e një aksidenti automobilistik në makinën e tij Ferrari 599. Bashkëshortja e tij, Vjollca Hoxha dhe fëmijët e saj trashëguan bizneset prej asaj kohe. "Top Media" i ka zgjeruar aktivitetet përgjatë viteve dhe zotëron sot stacionet televizive "Top Channel" dhe "Top News". Grupi zotëron gjithashtu 51% të aksioneve të platformës me pagesë "DigitAlb", radiot "Top Albania", "Top Gold" dhe "My Music", gazetën online "Shqip" dhe kompaninë e reklamave VGA. Ndërkohë, kompania "DigitAlb" zotëron distributorin e dytë dixhital, ADTN dhe 95% të aksioneve të rrjetit të kinemave "Imperial".
Formular i biznesit
Private
Forma ligjore
Shoqëri Aksionere
Sektorët biznesit
Transmetim radio-televiziv; Telekomunikacion; Produksion muzikor; Rrjete të transmetimeve dixhitale (DigitAlb dhe ADTN); Botime; Reklamime; Argëtim (Kinema); Tregti (kafe)
Pronar indvidual
Radio
Top Gold Radio (7.05%)
My Music Radio (0.36%)
Media të tjera Online
www.gazeta-shqip.com
www.topalbaniaradio.com
Biznesi i medias
Rrjete të transmetimeve dixhitale
DigitAlb (51%); ADTN (51%)
Licensë transmetimesh sportive
DigitAlb (51%)
Shtëpi botuese
Saras (100%)
Transmetime dixhitale
DigitAlb (51%)
Transmetime satelitore
DigitAlb (51%)
Teleshopping
DigitAlb (51%)
Telekomunikim
Hightel Towers Albania (4.42%)
Biznes
Tregti
Valtelina (49%); Vini & Food (35%)
Produksion muzikor
My Music (100%)
Reklamime
VGA (100 %)
"DigitAlb" bashkëpunon me "IPKO", operator telefonik dhe distribucioni në Kosovë
"Hightel Towers" S.p.a është kompani telekomunikacioni me qendër në Itali.
Informacion i përgjithshëm
Viti themelimit
1998
Interesat e lidhura me themeluesin
Dritan Hoxha - e nisi karrierën në biznes si një importues kafeje, por ishte investimi në media që e bëri atë të njohur dhe i dha famën e një “pionieri të teknologjisë dixhitale” në hapësirën e jetuar nga shqiptarët. Në vitin 1998, ai themeloi "Top Albania Radio" dhe tre vjet më pas, televizionin "Top Channel", i cili falë teknologjisë moderne dhe stafit të njohur të gazetarëve u kthye në një kohë të shkurtër në ekranin kryesor të vendit. Në vitin 2004, Hoxha hodhi në treg platformën me pagesë "DigitAlb", duke e fuqizuar edhe më tej grupin e tij të ri mediatik "Top Media". Hoxha ndërroi jetë më 23 maj 2008, në moshën 40-vjeçare, pas një aksidenti automobilistik me makinën e tij Ferrari 599. Autoritetet më të larta shtetërore, përfshirë ish-presidentin Bamir Topi dhe ish-kreun e opozitës, Edi Rama morën pjesë në funeralin e tij. Përplasjet publike të Dritan Hoxhës me ish-kryeministrin Sali Berisha për licensat satelitore dhe publikimi i disa skandaleve të qeverisë së tij [2005-2013], bënë që "Top Channel" të perceptohej si një televizion i afërt me ish-liderin e opozitës dhe kryeministrin e sotëm, Edi Rama. Por muajt e fundit, televizioni ka nisur një fushatë kritikash ndaj qeverisë së Ramës, duke shënuar një kthesë të fortë editoriale pas pothuajse dy dekadash.
Punonjësit
Të dhënat mungojnë
Kontakt
Rruga “17 Nentori”, Nr. 20, Mezez Koder, Komuna Kashar, Tiranа
Tel: +355 69 20 80 500
Faqja e internetit: top-channel.tv
NIPT
Top Channel (K12007002U); Top Albania Radio (K01719005H)
Të dhëna financiare
Të ardhura (të dhëna financiare/ opsionale)
Top Channel: 12.4 Mio. $ / 1.59 Bn. Lek Top Albania Radio: 0.44 Mio. $ / 56.04 Mio. Lek DigitAlb: 44.293 Mio. $ / 5.682 Mio. Lek
Fitimi operativ (në Mil. USD)
Top Channel: 0.009 Mio. $ / 1.1 Mio. Lek Top Albania Radio: 0.01 Mio. $ / 1.44 Mio. Lek DigitAlb: 0.92 Mio. $ / 118.72 Mio. Lek
Reklamat (si % të totalit të financimit)
Të dhënat mungojnë
Drejtuesit
Bord mbikëqyrës + interesat e bordit mbikëqyrës
Filip Çakuli është anëtar i Këshillit Mbikqyrës të kompanisë "Top Channel" sh.a dhe drejtues i emisionit satirik investigative 'Fiks Fare'.
Ledion Liço është anëtar i Këshillit Mbikqyrës të kompanisë "Top Channel" sh.a dhe moderator televiziv. Ai është gjithashtu i martuar me Sara Hoxhën.
Erion Ylli mban postin e zv.drejtorit të përgjithshëm të kompanisë "Top Channel" sh.a. Ai zotëron gjithashtu 20% të aksioneve në kompaninë e përpunimit të naftës 'Recovered Earth Albania" sh.a.
Persona të tjerë me ndikim + Interesat e personave të tjerë me ndikim
Ben Blushi - është politikan, shkrimtar dhe gazetar i njohur në Shqipëri. Gjatë viteve 90, Blushi mbante postin e kryeredaktorit të gazetës "Koha Jonë". Në vitin 2000, ai nisi karrierën e tij në politikë duke iu bashkuar kabinetit të ish-kryeministrit socialist, Fatos Nano, fillimisht si prefekt i Korçës dhe më pas si Ministër i Arsimit apo Ministër i Pushtetit Lokal. Në vitin 2005, kur Edi Rama mori drejtimin e Partisë Socialiste, Blushi ishte mes mbështetësve. Më vonë, Blushi u bë kundërshtari kryesor i Ramës brenda Partisë Socialiste. Në vitin 2016, ai u largua nga Partia Socialiste dhe krijoi lëvizjen LIBRA, por në testin e parë elektoral LIBRA dështoi të zgjidhte deputetë. Më 20 Janar 2018, Blushi dha dorëheqjen nga politika për t’u rikthyer në media. Një javë më pas ai u emërua Drejtor i Përgjithshëm i televizionit "Top Channel".
Ylli Rakipi – Është gazetar dhe moderator i programit televiziv “Të paekspozuarit”. Rakipi e filloi karrierën në gazetari në fillim të viteve ’90 si kryeredaktor i gazetës “Republika”. Në vitin 1995, ai themeloi gazetën “Albania”, e cila qëndroi në treg për 15 vjet. Rakipi kaloi në televizion në vitin 2014, kur ai filloi programin e tij “Të paekspozuarit” fillimisht në Ora News dhe më pas në News 24. Prej janarit 2018 ai e ka zhvendosur emisionin e tij në televizionin Top Channel.
Andi Bushati – Ka një karrierë të gjatë në gazetari dhe zotëron gjithashtu 50 % të aksioneve në median online Lapsi.al. Bushati e nisi karrierën në fillim të viteve ’90 dhe që atëherë ka punuar për gazetën “Koha Jonë”, në revistën e përjavshme Klan si dhe ka realizuar programin e tij në televizion “Zonë e ndaluar”. Bushati ka qenë kritik i vazhdueshëm i kryeministrave Fatos Nano, Sali Berisha dhe mbi të gjithë i Edi Ramës. Prej janarit 2018, Bushati është pjesë e programit “Të paekspozuarit” në Top Channel.
Më shumë informacion
Meta Data
Top Media nuk është një entitet i regjistruar ligjërisht, por një grup kompanish të cilat zotërohen kryesisht nga familja Hoxha. Të dhënat e pronësisë dhe bilancet financiare për Top Channel, Top Albania Radio dhe DigitAlb janë siguruar në Qendrën Kombëtare të Bizneseve. Të dhënat financiare i përkasin vitit 2016. Për të konvertuar shumat në dollarë u përdor kursi mesatar i këmbimit i Bankës Qendrore. Top Channel iu përgjigj një kërkese për informacion të ekipit të MOM më 29 Dhjetor 2017. DigitAlb gjithashtu iu përgjigj kërkesës për informacion të MOM në Janar 2018. Për më shumë shikoni burimet.
