Yldon Media Group
"Ylldon Media Group" zotërohet nga Ylli Ndroqi dhe përfshin kompanitë "Ora News" dhe "Channel One", të cilat operojnë dy stacionet televizive dhe një stacion radiofonik në Tiranë. "Ora News" është televizion i formatit 24 orë lajme në ditë dhe është themeluar në vitin 2007. Motoja e televizionit është “Të parët me lajmin e fundit”, ndërsa pretendon se është kanali lider në kategorinë e stacioneve me 24 orë lajme në Shqipëri. Televizioni shkruan në faqen e vet në internet se filozofia e tij është informimi objektiv i publikut, me saktësi dhe në kohë reale.
Sinjali i "Ora News" transmetohet pa pagesë, por edhe në platformën me pagesë "DigitAlb", prej vitit 2008. "Radio Ora News" transmeton lajme përgjithësisht të gjeneruara nga televizioni në frekuencën 96.7 FM. Televizioni "Channel One" është stacioni i dytë televiziv i grupit mediatik "Yldon Media Group", i themeluar në 7 Mars 2011. "Channel One" transmetohet në katër qytete, përfshirë Tiranën. Motoja e stacionit televiziv është “Channel One - zgjedhja jote e parë”.
Formular i biznesit
Private
Forma ligjore
Shoqëri Aksionere dhe me përgjegjësi të kufizuar që operojnë në çadrën e Ylldon Media Group
Sektorët biznesit
Transmetime radio-televizive
Pronar indvidual
Televizione të tjera
Channel One (0.57% Telemetrix / 1.11% Abacus)
Media të tjera Online
http://www.oranews.tv/
http://www.channel-one.al/
Biznesi i medias
Transmetime radio-televizive
Ora News (100%)
Informacion i përgjithshëm
Viti themelimit
2006
Interesat e lidhura me themeluesin
Ilda Prifti – Më 2006, Ilda Prifti themeloi një kompani të quajtur "Ora" për të ndërtuar një televizion vendor me bazë në Tiranë, me kapital themeltar 100,000 lekë (1.067 USD). Në dhjetor 2006, kapitali i kompanisë u rrit në 25 milionë lekë (266.794 USD) dhe televizioni u hap me formatin informativ 24 orësh para zgjedhjeve për pushtetin vendor të vitit 2006. Ilda Prifti është e afërt e Alba Ginës, gruas së Aleksandër Frangaj. Ilda Prifti ka lindur më 1988 dhe ishte 18 vjeç kur emri i saj u shfaq në regjistrin e biznesit si themeluese e kompanisë.
Punonjësit
80
Kontakt
Rruga Aleksander Moisiu, Ish-Kinostudioja "Shqiperia e Re", Tirana, Albania.
Email: redaksiaora@gmail.com
NIPT
Ora: K71505003O, Channel One: K12412002L, Yldon: K31618007S
Të dhëna financiare
Të ardhura (të dhëna financiare/ opsionale)
Ora News: 1.46 Mio. $ / 187.8 Mio. Lek; Channel One: Revenues: 0.053 Mio. $ / 6.9 Mio. Lek Yldon: 0.165 Mio. $ / 21.2 Mio. Lek
Fitimi operativ (në Mil. USD)
Ora News: 0.03 Mio. $ / 3.7 Mio. Lek; Channel One: ‘-0.057 Mio. $ / ‘-7.26 Mio. Lek; Yldon: ‘-0.09 Mio. $ / ‘-11.5 Mio. Lek
Reklamat (si % të totalit të financimit)
Të dhënat mungojnë
Drejtuesit
Bord mbikëqyrës + interesat e bordit mbikëqyrës
Blerina Hoxha – është anëtare e Bordit Mbikqyrës së "Yldon Media Group".
Redon Ndroqi – është djali i Ylli Ndroqit dhe anëtar i Bordit Mbikqyrës së "Yldon Media Group".
Mimoza Ndroqi – është gruaja e Ylli Ndroqit dhe anëtare e Bordit Mbikqyrës së "Yldon Media Group". Ajo zotëron 40% të aksioneve të kompanisë dhe mban dhe pozicionin e administratores së kompanisë.
Persona të tjerë me ndikim + Interesat e personave të tjerë me ndikim
Mariam Akopian Ndroqi – bashkëshorte e Redonit, është drejtoreshë e përgjithshme e "Ora News".
Artur Zheji – është një opinionist dhe ish-drejtor i Televizionit Publik Shqiptar. Ai drejton emisionin televiziv "360 Gradë" dhe një faqe interneti me të njëjtin emër "360gradë.al".
Dritan Hila – ka qenë opinionist që nga viti 2008 dhe diplomat para kësaj kohe. Ai ka punuar si zëvendësministër i Mbrojtjes nën qeverinë Socialiste 2013-2015 dhe dha dorëheqjen më 2015. Ai ka themeluar edhe "dritare.net", një faqe interneti informative.
Më shumë informacion
Meta Data
Yldon Media Group nuk është një entitet i regjistruar ligjërisht. Ora News është një kompani aksionere. Channel One është një kompani me përgjegjësi të kufizuara.
Struktura e pronësisë dhe raportet financiare publikohen në Qendrën Kombëtare të Biznesit. Për qëllim të vlerësimit të peshës së aseteve dhe të ardhurave të kësaj kompanie në tregun e medias, MOM ka llogaritur vlerën e aseteve, të të ardhurave dhe fitimeve të 8 kompanive televizive dhe dy platformave me pagesë. Kompanitë e përfshira në këtë llogari janë: DigitAlb, Tring, Top Channel, Klan, Media Vizion, Multiscreen, Focus Media News, ABC News, Ora News dhe Scan. Për konvertimin në USD është përdorur kursi mesatar i këmbimit i vitit 2016 i publikuar nga Banka e Shqipërisë.Pjesa e audiencës për televizionet kryesore janë dhënë nga Abacus Research dhe Telemetrix për vitin 2017, të dhënat janë konfliktuale dhe për këtë arsye janë dhënë të dyja matjet. Për më tepër shihni burimet.
