Henri Çili

Henri Çili është themelues i të përditshmes "Mapo" dhe pronar i Universitetit Europian të Tiranës, një universitet privat. Ai është ish-gazetar dhe drejtues mediaje. Më 2006, ai drejtoi të përditshmen "Standard" dhe në të njëjtin vit bashkëthemeloi UET pasi mori licencë për hapjen e një instituti të arsimit të lartë me vendim të Këshillit të Ministrave, në atë kohë nën Kryeministrin Sali Berisha. Më 2011, qeveria "Berisha" i dha statusin e universitetit. Çili kishte vetëm 10% të kompanisë në fillim, por u bë pronar i vetëm përmes marrëveshjeve të ndryshme gjatë viteve që pasuan.

Çili është i njohur për manovrimin mes forcave të ndryshme politike dhe e prezanton veten si liberal. Ai është i njohur se i bëri thirrje shqiptarëve të votonin për një mandat të tretë ish-kryeministrin Sali Berisha më 2013 dhe i bëri thirrje shqiptarëve të votonin për një mandat të dytë për Edi Ramën më 2017. Para se të mbështeste Ramën publikisht, revista e tij shpalli udhëheqësin aktual të opozitës Lulzim Basha "Njeriu i Vitit 2016". Ai është akuzuar se ka ndikuar iniciativën e Ramës për reformimin e arsimit të lartë në Shqipëri, një projekt të shumëdebatuar që synon të rrisë tarifat për studentët si dhe t'i japë universiteteve private fonde publike.

Çili i ka mohuar akuzat.